|
|fimmtudagur 8. apríl 2010|
|
|
Flott Skíðavika að baki
|
|
Þá er skíðavikan að baki. Ísfirðingar þakka öllum þeim sem heimsóttu þá fyrir komuna. Þá þakka aðstendur öllum þeim sem komu að skipulagningunni og voru með uppákomu fyrir sitt framlag. |
|
|
|miðvikudagur 7. apríl 2010|
|
|
Úrslit úr skíðaskotfimi
|
Keppt var í skíðaskotfimi á skírdag. Í karlaflokki sigraði Einar Ágúst Yngvason annar varð Jón Ottó Gunnarsson og þriðji Einar Birkir Sveinbjörnsson. Í Kvennaflokki sigraði Guðbjörg Rós Sigurðardóttir, önnur var Stella Hjaltadóttir og Jóhanna Oddsdóttir varð þriðja. Tuttugu og tveir tóku þátt.
|
|
|
|þriðjudagur 6. apríl 2010|
|
|
Big Jump meistari
|
|
Það var Elfar Ingi Sigurðsson sem var Big Jump meistari þetta árið. Elfar keppti á skíðum (trick skíðum) og sýndi snildar takta. |
|
|
|mánudagur 5. apríl 2010|
|
|
Garpar 2010
|
Árlegt garpamót á skíðum fór fram í gær. Það er Mjólkurstöðin á Ísafirði sem styrkir mótið ár hvert. Keppt var bæði í alpagreinum og göngu. Úrslit urðu eftirfarandi:
Alpagreinar kvk
1. Sigríður Lára Gunnlaugsdóttir
2. Helga Aðalsteinsdóttir
Alpagreinar kk
1. Jóhann Haukur Hafsteinn
2. Þorlákur Baxter
3. Sölvi Sólbergsson
Ganga
1. Sigurjón Sigurjónsson
2. Kristinn Halldórsson
|
|
|
|laugardagur 3. apríl 2010|
|
|
Fallegur dagur framundan
|
Í dag laugardaginn 3. apríl er fallegt veður og því ættu engar breytingar að verða á dagskrá. Páskaeggjamót yngstu kynslóðarinnar verður á dölunum tveimur kl. 13:00. Þá er líklegt að flugvélin með nammi regnið láti sjá sig upp úr hádegi.
Ýmislegt er að gerast í bænum í allan dag svo sem fjölskydu bingó, leikjadagur fyrir börn í íþróttahúsinu á Þingeyri, blakmót, sýningar og margt fleira. Þá verður rokkhátíðinni haldið áfram í kvöld ...
|
| Meira » |
|
|
|föstudagur 2. apríl 2010|
|
|
Flottur dagur í Tungudal með nægum snjó
|
|
Töluverð snjókoma var í Tungudal í dag svo mikil að ekki var hægt að fljúga með karamellurnar. Reynt verður að fljúga með karamellurnar einhvern næstu daga ef veður leyfir. Einhverjum karamellum var þó kastað í dag og tónlist og stemming var í Tungudal. |
|
|
|föstudagur 2. apríl 2010|
|
|
Furðufatadagur í Tungudal
|
|
Í dag föstudaginn langa er furðufatadagur í Tungudal. Fólk er hvatt til að mæta klætt búningum. SFÍ kveikir upp í grillinu um hádegi og Benni Sig og Halldór Smára spila frá kl. 13. Ef veður leyfir mun svo karamellum rigna af himni ofan. |
|
|
|fimmtudagur 1. apríl 2010|
|
|
Brekkubrun í Bæjarbrekkunni
|
|
Þá er allt að verða klárt fyrir brekkubrunið í Bæjarbrekkunni. Verið er að moka snjó í brekkuna og mun fjörið hefjast kl. 18. Ísfirðingafélagið verður með heitt kakó í Sóltúni svo þetta verður bara gaman. |
|
|
|miðvikudagur 31. mars 2010|
|
|
Boarder Cross mót fyrir börn í Tungudal aflýst
|
|
Þar sem mikinn snjó þarf til að hægt sé að gera Boarder Cross braut hefur verið ákveðið að aflýsa keppninni þar sem ekki er nægur snjór til staðar. |
|
|
|miðvikudagur 31. mars 2010|
|
|
Búið að færa Big Jump mótið
|
|
Big Jump snjóbrettamótið verður haldið í Tungudal á skírdag kl. 20. Mótið verður við skíðaskálann svo auðvelt verður að komast að til að horfa. Keppendur eru beðnir að mæta kl. 19:30 ef þeir vilja taka æfingastökk því keppnin sjálf mun byrja kl. 20. |
|
Fréttir
